அணுகக்கூடிய பரிசுத்த தேவன்

வேதபாடம்:  எபிரெயர் 10:19-25

 

லேவியராகமத்தின் பிரதான செய்தி, தேவன் பரிசுத்தர் என்பதே.   கடவுள் தான் பரிசுத்தர் என்றும், பாவமுள்ள மக்கள் அவரை சாதாரணமாக அணுக முடியாதுஎன்றும் மக்களுக்கு மீண்டும் மீண்டும் கற்பிக்கிறார்.   

 

சீனாய் மலையில் இதை நாம் தெளிவாக காண்கிறோம்.   கடவுள் மலையின் மீது இறங்கியபோது, மக்கள் அதன் அருகில் கூட வர வேண்டாம் என்றுஎச்சரிக்கப்பட்டனர்.   சீனாய் மலையைச் சுற்றி எல்லைகளை அமைக்க மோசேக்கு கட்டளை இட்டார்.   பாவம் கடவுளுக்கும் மனிதனுக்கும் இடையே ஒருபெரிய தடையாக இருக்கிறது.

 

மத்தேயு 11:28  லோ இயேசு, " வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாருதல் தருவேன்." என்று சொல்வதை பார்க்கிறோம்.   இயேசு குழந்தைகளை தன்னிடம் கொண்டு வருமாறு கேட்டுக் கொண்டார், மேலும் பன்னிரண்டு வருஷமாய்ப் பெரும்பாடுள்ள ஒரு ஸ்திரீ: கூட அவருடைய வஸ்திரத்தின் ஓரத்தைத் தொடுவதை பார்க்கிறோம்.  

 

புதிய ஏற்பாட்டில் கடவுளின் பரிசுத்தம் மாறிவிட்டதா?   நிச்சயமாக இல்லை. 

 

லேவியராகமத்தின் தேவன் தாமே புதிய ஏற்பாட்டில் வெளிப்படுத்தப்பட்டார்.  புதிய ஏற்பாட்டில் அந்த பரிசுத்த தேவனின் பரிசுத்தம் குறையவில்லை.   ஆயினும், மகிமையான ஒன்று புதிய ஏற்பாட்டில் மாறிவிட்டது - அது கடவுளில் அல்ல,  அவருக்கு முன்பாக நமது நிலையில் தாமே அந்த மாறுதல் ஏற்பட்டது.

 

இயேசு கிறிஸ்து ஒரு பரிசுத்த கடவுளுக்கும் பாவமுள்ள மனிதனுக்கும் இடையிலான பாலமாக ஆனார்.   

 

சிலுவையில், இயேசு நம்முடைய பாவத்தையும் அதன் தண்டனையையும் சுமந்தார்.   கடவுளிடமிருந்து நம்மை பிரிக்கும் பாவத்தின் கூர் அவரது தியாகத்தின்மூலம் முறியடிக்கப்பட்டது.   நம்முடைய சொந்த நீதியின் மூலம் நாம் ஒருபோதும் சாதிக்க முடியாததை, கிறிஸ்து நமக்காக சாதித்தார்.

 

எனவே, அதே பரிசுத்த கடவுள், இயேசுவின் மூலம் அவரை அணுக நம்மை அழைக்கிறார்.   

என்ன ஒரு அற்புதமான அழைப்பு!   

 

மன்னிக்கப்பட்ட பாவி தூரத்தில் நிற்க வேண்டியதில்லை.   கிறிஸ்துவின் மூலம் நாம் நெருங்கி வரலாம்.   ஆதலால், நாம் இரக்கத்தைப் பெறவும், ஏற்றசமயத்தில் சகாயஞ்செய்யுங்கிருபையை அடையவும், தைரியமாய்க் கிருபாசனத்தண்டையிலே சேரக்கடவோம் என்று எபிரேயர் புத்தகத்தின் ஆக்கியோன்கூறுகிறார்.   தைரியம் என்பது நம்பிக்கையைக் குறிக்கிறது - நம்மில் அல்ல, ஆனால் கிறிஸ்துவின் முடிக்கப்பட்ட வேலையில்.   பாவம் முக்கியமற்றதுஎன்பதால் நாம் தைரியமாக கடவுளை அணுகுவதில்லை.   நம்முடைய பாவத்திற்கான விலையை இயேசு செலுத்தியதால் நாம் தைரியமாக அவரைஅணுகுகிறோம்.

 

என் நண்பரே, கிறிஸ்துவின் இரத்தத்தால் தேவனை அணுக நமக்கு வழி திறந்துள்ளது.   நாம் அவர் பிரசன்னத்தில் பிரவேசித்து அவரது வஸ்திரத்தை ஓரத்தை தொட்டு ஆசீர்வாதம் பெறுவோம்.

 

ஜெபம்:  பரிசுத்த கடவுளே, இயேசு கிறிஸ்துவின் மூலம் நான் உங்களிடம் நெருங்க முடிந்ததற்கு நன்றி.  பயபக்தியாய் உம்மை அணுக கிருபை தாரும்..   ஆமென்.

---