ஒவ்வொரு திறமையும் கடவுளின் பரிசு

வேதபாடம்: யாத்திராகமம் 31:1-10

 

இஸ்ரவேலர் எகிப்தில் அடிமைகளாக இருந்தனர், செங்கற்கள் தயாரித்து கடினமான உழைப்பைச் செய்தனர்.  கூடாரத்தைக் கட்டுவதற்குத் தேவையானசிறப்புக் கலைகளில் அவர்களுக்கு பயிற்சி இல்லை.  ஆயினும்கூட, எகிப்தை விட்டு வெளியேறிய சில மாதங்களிலேயே, கூடாரத்தைக் கட்டுவதற்காக கடவுள்பெசலெயேலை அழைத்தார்.  

 

"ஞானத்திலும், புத்தியிலும், அறிவிலும், சகலவிதமான வேலைகளிலும் தேவனுடைய ஆவியினால் அவனை நிரப்பினேன்" என்று கர்த்தர் கூறினார் .   தங்கம், வெள்ளி, வெண்கலம், வெட்டு கற்கள், மரம் செதுக்குதல் மற்றும் ஒவ்வொரு வகையான வேலைப்பாடும் ஆகியவற்றுடன் பெசலெயேலுக்கு தேவைப்படும்திறன்களை கடவுள் அருளினார்.

 

கூடாரத்தைக் கட்டுவதற்கு தேவையான ஞானத்தையும் திறமையையும் பெசலெயேலுக்கு கடவுள் தாமே அளித்தார்.  அடிமைத்தனத்திலிருந்து வெளியே வந்த  இஸ்ரவேலரின் இயல்பான திறனுக்கு இது அப்பாற்பட்டது.  

 

இங்கே நம் ஒவ்வொருவருக்கும் ஒரு முக்கியமான பாடம் உள்ளது. 

 

நாம் பெரும்பாலும் நமது திறமைகளை குறித்து  பெருமை பாராட்டுகிறோம்.  எழுதுவதிலும், கற்பிப்பதிலும், அல்லது பாடுவதிலும் நாம் சிறந்தவர்கள் என்றுகூறுகிறோம்.  ஆனால் அந்த திறன்களை நாம் எவ்வாறு பெற்றோம் என்பதை நாம் எப்போதாவது யோசித்திருக்கிறோமா?   

 

நம்மிடம் உள்ளவை அனைத்தும் கடவுளால் நமக்குக் கொடுக்கப்பட்டுள்ளன என்பதை வேதம் நமக்கு நினைவூட்டுகிறது (1 கொரிந்தியர் 4:7).   படிப்பதற்கும், சிந்திப்பதற்கும், எழுதுவதற்கும், பேசுவதற்கும், கற்பிப்பதற்கும், அல்லது சேவை செய்வதற்குமான நமது திறன் கடவுளிடமிருந்து மட்டுமே வருகிறது.

 

நாம் இன்று பதிலளிக்க வேண்டிய கேள்வி, 'நான் எதில் சிறந்தவன்?'  என்பதல்ல. 'கடவுள் எனக்குக் கொடுத்ததை அவரது மகிமைக்காக நான் எவ்வாறுபயன்படுத்த முடியும்?'என்பதாகும்

 

பெசலெயேலின் திறமைகள் அவரின் புகழுக்காக வழங்கப்படவில்லை.  கடவுளின் பிரசன்னம் வசிக்கும் இடமான கூடாரத்தைக் கட்டுவதற்காக அவைவழங்கப்பட்டன.  நமது திறன்கள் நமக்கு அப்பாற்பட்ட ஒரு நோக்கத்தையும் கொண்டுள்ளன.  நாம் அவருக்கு சேவை செய்வதற்கும், மற்றவர்களைஆசீர்வதிப்பதற்கும், அவரது மக்களை பெலப்படுத்துவதற்கும், மக்களை அவரை நோக்கி வழிநடத்தவும் கடவுள் நமக்கு தாலந்துகளை வழங்குகிறார்.

 

ஒருவேளை நீங்கள் உங்கள் எழுத்து திறமை, வணிகத் திறன், தொழில்நுட்ப அறிவு, இசை அல்லது கைவினைத்திறனை சாதாரணமாகக் கருதியிருக்கலாம்.  ஆனால் கடவுளின் திட்டத்தில், நமக்கு வழங்கப்பட்ட ஒவ்வொரு திறமையும் தெய்வீக நோக்கத்தைக் கொண்டுள்ளன.  

 

என் நண்பரே,  உங்கள் திறமை என்ன ?  அதை புதைக்கவோ, அதைப் பற்றி பெருமை பேசவோ அல்லது அதை உங்களுக்காக மட்டுமே பயன்படுத்தவோவேண்டாம்.  அதை கடவுளின்  பரிசாக அங்கீகரித்து, அதை கடவுளின் மகிமைக்காகவும் அவரது மக்களின் ஆசீர்வாதத்திற்காகவும் முழு மனதுடன்பயன்படுத்துங்கள். கர்த்தர் உங்களை ஆசீர்வதிப்பாராக.

 

ஜெபம்:  கர்த்தராகிய இயேசுவே, நான் இன்று இருக்கிற அனைத்தையும் உங்களுக்கு அர்ப்பணிக்கிறேன்.   உமது மகிமைக்காகவும் உமது மக்களின்நன்மைக்காகவும் என்னைப் பயன்படுத்தும்.  ஆமென். 

---